Radiô Arpitania

La radiô de l’arpitan*

arpitan = francoprovençâl = ‘patoués’
= groupo de lengoues tot u tôrn du Mont-Blanc et dens ux Poulyes. Cârta. Détalys en Arpitan / F / GB

Novél! Èxtrêts des derrières baladodifusions des associacions
a 05:30, 12:30 et 20:30 tandu/pendant 23 minutes (2 minutes per una/chacuna)

S’ABONAR a la lista de difusion / Sè DÉSABONAR de la lista de difusion.

Pire/Jesto ora!

Jesto aprés!

Chôd-temps 2026

Dês lo 13 de julyèt tant qu’a fin septembro 2026

Vive lo chôd-temps!

Dzakye ‘l est u mayen de Sur-Scèx dens la Valâye de la Môrge, entre-mié Sion et Conthey, en Valês et vos salue! Espero que vos pouede come mè muens “molyér de chôd” sur les bèques! J’é aprèstâ un programo en três enparties, mas pas de pouere, pas besouen de tot pecar (crouciér, mengiér). Tot dèpendrat du voutro apetit!…

1) Vâl Savaranche et Vâl de Bâgnes, 2 hores, ux hores: 06:00, 12:00, 19:00

Su chesu sur lo programo “La Ficèla” (La Fisela) de la Rai ( https://www.raiplaysound.it/programmi/lafisella ) et j’é dècruvi l’arpitan de la Vâl Savaranche. Mè su pèrmis/pèrmétu de mondar/d’ècotar bien de chouses por vos fére acutar un maximum d’arpitan et pou de francês!…

Justo aprés j’é trovâ lo novél sito https://pourquoipatois.ch/ des patouesants (arpitans) de Bâgnes en Valês. Vos féso acutar des èxtrèts des doves premiéres èmissions, la seconda sur la crèacion du mondo (de Bâgnes) avouéc des traduccions en francês.

Tot cen ‘l est mècllâ avouéc des chançons du Valês et de la Val d’Aoûta sur lo tèmo du mayen et des armalyes.

2) Coloco 200 ans de Cerlogne, mârs 2026 (oncormés), 2 hores et 40 menutes ux hores 03:30 et 09:00

Por quant a la résta, celos què ‘l ant mancâ ou pas oncor yu lèsir d’acutar les enrègistrements du coloco en Sent Nicolas, en Val d’Aoûta, sur les 200 ans de la nècance/nèssance de l’abbé Cerlogne, avouéc les ôtoritâts du luè etc, vos pouede oncor acutar tot cen!

3) Programo de chôd-temps = coment l’an passâ! – 2 hores et 9 menutes ux hores 01:00, 15:00, 22:00

Se vos vouede/voléd rèagir a cen ou encoragiér Dzakye, la mâye adrèce mèl ‘l est dzakye@radioarpitania.eu
et lo numerô de tèlèfono: +41 76 548 65 10.

Ben du plèsir sur RADIÔ ARPITANIA !

Dzakye Mounir

Saviésan, Valêsan, et animator de Radiô Arpitania