Radiô Arpitania

La radiô de l’arpitan*

arpitan = francoprovençâl = ‘patoués’
= groupo de lengoues tot u tôrn du Mont-Blanc et dens ux Poulyes. Cârta. Détalys en Arpitan / F / GB

De chôdtemps, Dzakye ‘l at lo siô calendriér, à drêt, écrit en ORB
S’ABONAR a la lista de difusion / Sè DÉSABONAR de la lista de difusion.

Pire/Jesto ora! 

Jesto aprés! 

Velyâ de novembro pér Thonon – Entèrva de Liliana Bertolo

 Dês lo 12 de janviér et tant qu’a fen avril 2026,
lo PROGRAMO de 2 hores torne enreyér chaque 3 hores!

Ux hores:  03:00, 06:00 , 09:00, 12:00, 15:00, 18:00, 21:00, et mi-nuet

Bonjorn a vos, les amis de la noutra lengoua et Bon Bonan 2026!

Le nê ‘l et finalament arrevâye, adonc pas ésiê  por Dzakye de sè dèsonar (dèssongiér)!
Mas d’abôrd qu’Alys, una camerâda de Christiane D. ‘l at raportâ que RADIÔ ARPITANIA ‘l est adés-més acutâ et cognua, mémo tant qu’ux payis bascos, mè balye un pou d’acuèt / de fôrce por tornar betar/fechiér des chouses en place per inque. 

Coment vos sâde/savéd les baladodifusions en Brêsse, en Savouè et per Fribôrg continuont; tornâd-vêr trovar celya. MAS ‘l at de novéls enrègistrements que sont étâ fêts per Thonon-les-Banyes, lo 23 de novembro 2025; sont u comencement du programo de doves hores.

Por la résta, Dzakye ‘l at ben amâ una entèrva de Liliana Bertolo sur la savua via et lo sio travâly por l’arpitan, entre ôtres avouéc “Trouveur Valdoten”, adonc serat dedens la seconda empartia du programo. (Yô que Dzakye ‘l at trovâ? Sât mâlherosament pas més; vos pouede lo-te comunicar a mè se vos éd l’enformacion…) 

Coment de cotema, tot cen ‘l est entrecopâ de tot biôs et rebugents bocons de musica d’un pou pèrtot dens l’èspaço francoprovençâl – et asse ben/ètot/pariér des contines por les megnâts/enfants, èditâyes avouéc Liliana Bertolo et ses enfants.

Se vos vouede/voléd rèagir a cen ou encoragiér Dzakye, la mâye adrèce mèl ‘l est dzakye@radioarpitania.eu et lo numerô de tèlèfono: +41 76 548 65 10. 

Por fornir, vos combèto/souhèto/côrso
un monton (Savièse) / una cheneria (Fr) / un baron (Soana)  de plèsir sur RADIÔ ARPITANIA !

Dzakye Mounir

Saviésan, Valêsan, et animator de Radiô Arpitania 

Baladodifusions des Associacions

Oncor més de ceti mécllo!
Baladodifusions séparâyes

Nos contactar per Whatsapp CELYA ou avouéc l’icone.

S’abonar a la létra de difusion ENQUE ou avouéc l’envelopa!